Një ngjarje e rëndë raportohet të ketë ndodhur në Milano të Italisë, me një 16-vjeçare, e cila lindi në apartament foshnjën dhe më pas fshehu trupin e pajetë të bebes së porsalindur në një kovë, që e mbante në ballkonin e banesës.
Nuk dihet ende nëse foshnja lindi e vdekur, apo nëse u vra nga nëna 16-vjeçari.
Do të jenë rezultatet e ekspertizës mjekoligjore ato që do të zbardhin shkakun e vdekje së foshnjës.
Ndërkohë që e mitura dhe nëna e saj e cila ndodhej në apartament në momentin e lindjes janë arrestuar.
Vijojnë hetimet e policisë për zbardhjen e plotë të rrethanave të ngjarjes, që ka tronditur mbarë opinionin publik në Itali.
