Aleksandër Krashi, shoferi i betonieres që u përplas me mjetin ku udhëtonin katër të rinjtë që tragjikisht ndërruan jetë, do të qëndrojë në qeli deri në përfundim të hetimeve.
Gjykata e Tiranës ka vendosur masën e arrestit në burg për 24-vjeçarin, duke pranuar kërkesën e prokurorisë, që e akuzon për tre vepra penale: shkeljen e rregullave të qarkullimit rrugor, drejtimin e automjetit në mënyrë të parregullt dhe largimin nga vendi i aksidentit.
Gjatë seancës gjyqësore, Krashi ka dhënë dëshminë e tij, duke thënë se u përpoq të ndihmonte pas aksidentit, por nuk mundi të hapte derën e mjetit.
Ai ka treguar se ka njoftuar një koleg të tij që drejtonte një tjetër betoniere për të ardhur dhe ndihmuar me shuarjen e zjarrit që shpërtheu pas përplasjes.
24-vjeçari ka pohuar më tej se ishte larguar prej andej nga frika e ndonjë hakmarrje të mundshme.
Dëshmia e tij ka qenë pjesë e hetimeve për të sqaruar rrethanat e aksidentit tragjik.
Shoferi i betonieres në gjykatë:
U përpoqa në maksimim t’i ndihmoj, dera e makinës nuk hapej.
Lajmerova dhe një koleg të një betoniere tjetër të vinte për të më ndihmuar me shuarjen e zjarrit.
