Ditën e sotme u caktua dita për seancën gjyqësore nëpërmjet të cilës pritet të njihet me masën e sigurisë adoleshenti, i cili dyshohet se vrau me thikë Martin Canin.
Burimet bëjnë me dije se seanca ndaj Përlleshit do të zhvillohet ditën e nesërme në orën 9.00
Sakaq ju kujtojmë se ditën e sotme dy jurist të njohur referuar ligjit, zbuluan se Mario Përlleshi rrezikon të kryejë afro 17 vitë burg ose burgim të përjetshëm, kjo varet nga provat që do sigurojë Prokuroria.
M.P. ndodhet në një spital privat pas plagëve që mori gjatë sherrit ku mbeti i vdekur bashkëmoshatari.
Sipas informacioneve, masa pritet t’i komunikohet në spital.
Ka lënë ambientet e spitalit privat në Tiranë, ku merrte trajtim për plagët që kishte marrë në dorë, autori i dyshuar i vrasjes së adoleshentit Martin Cani.
Mësohet se ai është arrestuar nga policia dhe është dërguar në paraburgim. Burimet bëjnë me dije se i mituri do të dalë nesër (22 nëntor) përpara gjykatës, për t’u njohur me masën e sigurisë.
Një zyrtar i Policisë së Shtetit tha dje në Top Story se autori i dyshuar nuk ka shfaqur pendesë dhe ka qenë i acaruar kur është marrë në pyetje dje nga prokurorja, në ambientet e spitalit.
Kjo tha ai lë të hapur konfliktin mes dy familjeve të autorit dhe të viktimës, pasi të dyja janë me origjinë nga Veriu i vendit.
