Kreu i Kishës Katolike, Papa Françesku ka uruar Kryepeshkopin e Kishës Ortodokse Autoqefale të Shqipërisë, Joan Pelushi për fronëzimin e tij si drejtues i Kishës Katolike Shqiptare.
Në letën drejtuar kryepeshkopit Joani, Papa Françesku shpreh kënaqësinë dhe dëshirën për rinovimin dhe thellimin e marrëdhënieve midis Kishës Katolike dhe Kishës Ortodokse shqiptare.
“Duke shprehur afërsinë time shpirtërore, ju siguroj për lutjet e mia që Perëndia Atë, burimi i çdo të mire, do t’ju japë dhuratat e bollshme të Frymës së Shenjtë, ndërsa ju drejtoni ata që ju kanë besuar në kujdesin tuaj.
Në këto kohë të vështira të shënuara nga lufta dhe dhuna, është gjithnjë e më urgjente që të krishterët të japin dëshmi të besueshme për unitetin, në mënyrë që bota të mund të përqafojë plotësisht mesazhin e ungjillit të solidaritetit vëllazëror dhe paqes.
Shpresa ime e përzemërt që nën drejtimin tuaj atëror, marrëdhëniet midis Kishës së Shqipërisë dhe Kishës Katolike do të zhvillohen më tej, duke kërkuar forma të reja bashkëpunimi të frytshëm në shpalljen e Ungjillit, në shërbim të atyre që kanë më shumë nevojë dhe duke ripërtërirë angazhimin tonë për zgjidhjen e çështjeve që ende na ndajnë përmes dialogut të bamirësisë dhe së vërtetës”, shprehet Papa Françesku.
