Del kënga e plotë e Parashqevisë/ Nuk do ta besoni kush është pjesë e videoklipit

Pas një mungese të gjatë në skenën muzikore, këngëtarja e njohur shqiptare, Parashqevi Simaku, është rikthyer me këngën e saj më të re, “Dashuria”.

Ky projekt është realizuar në bashkëpunim me biznesmenin dhe aktivistin Elton Ilirjani, i cili shfaqet gjithashtu në videoklipin e këngës.

Në fillim, publikimi i një pjese të shkurtër të këngës në rrjetet sociale u prit me komente kryesisht negative.

Disa ndjekës shprehën zhgënjimin e tyre, duke e cilësuar projektin si të papërshtatshëm për imazhin dhe moshën e artistes.

Komentet përfshinin shprehje si: “Nuk ka fjalë, është një moshë që nuk i shkon kështu… o jam gabim?” dhe “E papërshtatshme për emrin tënd e moshën tënde. Më vjen vërtet keq që s’ke forcën të vendosësh vetë për veten.”

Megjithatë, pas publikimit të plotë të këngës dhe videoklipit, reagimet e publikut kanë ndryshuar ndjeshëm.

Shumë fansa dhe ndjekës kanë vlerësuar rikthimin e Simakut, duke e përgëzuar për guximin dhe pasionin e saj për muzikën. Komentet pozitive kanë dominuar në rrjetet sociale, duke treguar mbështetje dhe admirim për artisten.