Qindra prindër dhe fëmijë kanë dalë në marshim ditën e sotme në kryeqytet ku mes lotësh dhe dhimbjes kërkojnë siguri për të vegjlit e tyre.
Marshimit para Ministrisë së Arsimit i janë bashkuar edhe shokët e 14-vjeçarit i cili u vra tragjikisht para shkollës 9-vjeçare Fan Noli,
Me foton e Martinit në dorë, shoku i klasës së Martinit tregoi se ditën kur dhe ndodhi vrasja ai i kishte treguar për sherrin që kishte me autorin prej disa ditësh. Ai ishte i shqetësuar.
“ E kisha shok klase. Ishte djalë i urtë. Nuk merrej me sherre. Më tha vetëm një herë që ishte zënë me atë por gjë tjetër nuk më ka thënë. Më tregoi të hënën” tha ai.
A mendon se mund të ishte parandaluar?
“Nuk kam përgjigje”
Djali thotë se frika ekziston dhe pranon se rrjetet sociale janë të rrezikshme.
Shokët e klasës së Martinit i bashkohen marshimit, tregojnë
Protesta nisi nga shkolla Fan Noli, pranë dyerve të së cilës u vra edhe Martin Cani, drejt Ministrisë së Arsimit, ku dhjetëra fëmijë dhe të rritur mbajnë në duar pankarta me mesazha kundër dhunë e vrasjes dhe dhjetëra të tjerë kërkojnë siguri në shkolla.
