Reality show më i ndjekur në vend, Big Brother VIP, po hyn në fazën më vendimtare të lojës. Me mbi 90 ditë të mbushura me dinamika të forta, emocione, aleanca të papritura dhe përplasje që kanë mbajtur të mbërthyer mijëra shqiptarë para ekranit, gara për çmimin e madh po shkon drejt mbylljes.
Burime pranë produksionit kanë lënë të kuptohet se fituesi tashmë është “de facto” i përcaktuar, por ende nuk është e qartë nëse do të jenë Rozana apo Gjesti ata që do të arrijnë të prekin finalen e madhe.
Rozana Radi, një ndër figurat më të komentuara të këtij edicioni, ka arritur të krijojë një profil të qartë brenda shtëpisë: e drejtë, e sinqertë, me temperament të fortë dhe me një qëndrim të pandryshuar. Ajo ka fituar respektin e shumë ndjekësve për mënyrën se si ka përballuar situata sfiduese dhe për guximin për të thënë gjërat troç, pa filtra.
Në krahun tjetër qëndron Gjesti, një personazh i heshtur në fillim, por që me kalimin e kohës u kthye në një lojtar të fuqishëm, me strategji të menduara mirë, që ka ditur të mbijetojë në situata të vështira dhe të fitojë terren në publik. Ai ka arritur të krijojë lidhje të forta me disa banorë dhe të ruajë një imazh që e ka mbajtur jashtë qendrës së konfliktit, por brenda skemave të lojës.
Tensioni po rritet ndërsa dita e 100-të po afron. Episodi i së shtunës në orën 21:15 në Top Channel, i drejtuar nga Ledion Liço, pritet të jetë një ndër më të ndjekurit e sezonit. Aty do të zbulohet nëse Rozana dhe Gjesti do arrijnë të kalojnë në fazën finale dhe nëse “fituesi i vendosur” do të përputhet me zgjedhjen e publikut.
Çfarëdo të ndodhë, një gjë është e sigurt: emocionet do të jenë në kulm dhe surprizat nuk do të mungojnë.
Big Brother VIP po i afrohet fundit, por loja më e madhe sapo ka nisur – lufta për kurorën ka hyrë në momentin e saj më të egër.
A do jetë Rozana finalistja që publiku e do jashtëzakonisht, apo Gjesti do të arrijë të surprizojë të gjithë në momentet e fundit?
Fundi është pranë. Fituesi pret. Po ti, ke votuar?
