Ryan Whyte Maloney, një konkurrent nga sezoni 6 i “The Voice”, i cili ktheu të katër karriget e gjyqtarëve, ka vdekur në moshën 44-vjeçare.
Ryan Maloney u shpall i vdekur në orën 2:50 të mëngjesit të së martës, sipas një zëdhënësi të Zyrës së Kërkuesit/Ekzaminuesit Mjekësor të Qarkut Clark, i cili konfirmoi për USA TODAY se vdekja e tij u cilësua si vetëvrasje.
Maloney, i cili kishte performuar në hapjen madhështore të Ole Red Las Vegas vitin e kaluar, ishte planifikuar për shfaqjet e ardhshme në lokalin në pronësi të Blake Shelton. Performanca e tij e radhës, pjesë e asaj që ai e përshkroi në faqen e tij të internetit si një “rezidencë në vazhdim”, u vendos për të premten mbrëma.
Në fillim të këtij muaji, Whyte Maloney festoi ditëlindjen e tij duke shpërndarë një postim për kohën e tij në The Voice në Instagram. “Kur lindi mundësia për të shfaqur talentin tim në The Voice , isha në një gjendje të rëndë gjatë xhirimeve,” shkroi ai .
“Duke luftuar financiarisht, duke iu drejtuar mbetjeve të pakta për ushqim nga mbeturinat e hotelit dhe korridoret, ndërsa ata përreth meje argëtoheshin të shkujdesur me familjen e tyre sikur të ishin me pushime, unë qëndrova aty, duke u dridhur nga frika, thjesht duke mbijetuar.”
