Pas arrestimit të Erion Veliajt nga SPAK, të shumtë kanë qënë figurat publike që kanë dalë në mbrojtje të tij, mes tyre dhe prezantuesi Ardit Gjebrea.
Ai në një story në Instagram ka postuar një foto dhe një mesazh që mbyllet me një hashtag #jamerion per krybashkiakun e arrestuar.
Teksti i plotë i postimit: “Askush nuk mund të thotë që Tirana është njësoj si më parë. Dhe për fat të keq, si mundet që nuk e bërtasin punën tënde, e sa shpejt harruan (me qëllim) që Tiranës ju fute me themel për ta ndryshuar, për të mirën e përditshmërisë tonë?!
Një ditë do të të kërkojnë, dhe e di: I afti gjithmonë e gjen mënyrën të jetë i denjë për veten dhe familjen. Ti duhej të vazhdoje të ishe aty, në punë, për të gjithë ne!Jam i lumtur dhe krenar që kam një mik si ty!# kambesimtekti #jamerion”
Ardit Gjebrea është një nga figurat më të dashura dhe të njohura të ekranit shqiptar.
Me dekada të tëra përvojë si këngëtar, kantautor, producent dhe prezantues, ai ka fituar zemrat e publikut si me muzikën e tij, ashtu edhe me moderimin.
Pavarësisht viteve të kaluara në skenë, Gjebrea vijon të ruajë energjinë dhe paraqitjen rinore, duke bërë që shumë njerëz të habiten kur mësojnë moshën e tij të vërtetë. Ai ka lindur më 7 qershor 1963, çka do të thotë se sot është 61 vjeç.
Karriera e tij ka qenë e pasur dhe e larmishme. Fillimisht, ai u bë i njohur për talentin e tij si këngëtar dhe kantautor, duke sjellë hite që vazhdojnë të dëgjohen edhe sot.
Më pas, ai u afirmua si një figurë e rëndësishme televizive, duke drejtuar me sukses prej vitesh spektaklin e njohur “E diela Shqiptare”, një nga programet më të ndjekura në Shqipëri.
Me stilin e tij të veçantë dhe aftësinë për të krijuar emocione te publiku, Ardit Gjebrea vazhdon të mbetet një ikonë e muzikës dhe televizionit shqiptar.
Ndërsa mosha e tij mund të jetë një surprizë për shumëkënd, energjia dhe pasioni i tij për artin dhe spektaklin tregojnë se vitet janë vetëm një numër.
