Këngëtari shkodran, Ademir Fresku është plagosur me thikë.
Ngjarja ka ndodhur pranë teatrit të qytetit në një supermarket, ndërsa ende nuk dihen rrethanat e ngjarjes.
I plagosuri është transportuar në spital dhe ndodhet nën kujdesin e mjekeve.
Policia dhe grupi hetimor kanë shkuar në vendin e ngjarjes dhe po punojnë për zbardhjen e plagosjes.
Detaje të reja mësohen nga plagosja në Shkodër.
Burime bëjnë me dije se tregtari Gjergj Dardha kishte shkuar disa herë i dehur në lokal dhe pronari Ademir Fresku mëngjesin e sotëm i ka thënë që nuk do i shërbehet më, duke e paralajmëruar që të mos shkojë tek lokali i tij.
Tregtari menjëherë ka nxjerrë thikën duke e goditur disa herë 30-vjeçarin.
Njoftimi:
Dëmtoi me mjet prerës, një shtetas, gjatë një konflikti të çastit, Policia identifikoi autorin dhe vijon kontrollet për kapjen e tij.
Rreth orës 11:00, te sheshi “Demokracia”, dyshohet se shtetasi Gj. B., 50 vjeç, ka dëmtuar me mjet prerës (thikë), shtetasin A. F., 30 vjeç, i cili është jashtë rrezikut për jetën.
Shërbimet e Policisë po vijojnë kontrollet për kapjen e shtetasit Gj. B.
Grupi hetimor, në drejtimin e Prokurorisë, po punon për zbardhjen e rrethanave të rastit.
