Ish-banori i “ Big Brother VIP 3”, Meriton Mjekiqi, ka publikuar mbrëmë një fotografi që menjëherë ka marrë gjithë vëmendjen. Ai ka zbuluar se është takuar me të birin, i cili jeton në Austri. Momentin emocionues e ka ndarë me fansat në profilin e tij në “Instagram”.
Kujtojmë se këtë vit, moderatori i njohur ka qenë një nga emrat më të komentuar në media e shtypin rozë për shkak të pjesëmarrjes në edicionin e tretë të BBV.
Meritoni gjatë qëndrimit brenda shtëpisë më të famshme në Shqipëri rrëfeu për publikun gjëra të ndryshme nga jeta dhe karriera profesionale.
Mes të tjerash, prezantuesi nga Kosova shpesh ka folur edhe për djalin e tij të vetëm, Loarin dhe për raportet me ish-partneren. Në një nga spektaklet, ai u shpreh se kishte vite pa e parë duke hedhur akuza për ish-të dashurën.
