Drama mes Mevlanit dhe Livias vazhdon të jetë një ndër temat më të diskutuara në rrjetet sociale dhe mediat rozë. Pas lajmit të bujshëm që Mevlani do të bëhej baba me partneren e tij aktuale, duket se situata ka marrë një kthesë të papritur.
Gazetarja Minka Berisha nga Kosova Today ka raportuar se midis Mevlanit dhe partneres shtatzënë ekziston një krizë serioze. Për më tepër, janë fshirë të gjitha postimet e tyre të përbashkëta në rrjetet sociale, përfshirë atë ku njoftohej shtatzënia.
Kjo ka ngritur dyshime dhe pikëpyetje të shumta: a ka vendosur Mevlani ta braktisë partneren e tij shtatzënë? Apo mos vallë partnerja ka marrë një vendim të vështirë për ta ndërprerë shtatzëninë, apo ky i fundit ia ka kerkuar?
Burime ekskluzive tregojnë se Mevlani ka vazhduar të kalojë kohë me Livian, ndoshta edhe në një kontekst intim. Për më tepër, Livia ka pranuar publikisht që e dashuron Mevlanin, pavarësisht tradhtisë. Ajo ka deklaruar se nuk do ta mohonte një mundësi për ta rikthyer marrëdhënien e tyre.
Një tjetër kthesë e madhe është pjesëmarrja e Livias në edicionin e ri të Big Brother, i cili nis më 22 Dhjetor. Kjo situatë ka ngritur spekulime se kjo dramë mund të jetë fillimi i një “telenovele” të re në sytë e publikut.
Mes gjithë kësaj rrëmuje, mbetet një shpresë që foshnja e palindur të mos bëhet viktimë e lojërave të VIP-ave tanë. Situata e krijuar është një përzierje emocionesh dhe vendimesh të ndërlikuara, që do të vazhdojnë të jenë në qendër të vëmendjes.
