Vajza që shihni në foto është Kledia Kollazi, 22-vjeçarja e cila i dha fund jetës në mënyrë tragjike mesditën e sotme në Lushnjë.
E reja u vetëhodh nga kati i 9-të i një pallati 10 katësh, duke gjetur vdekjen e menjëhershme.
Sipas informacioneve për JOQ Albania, dyshohet se ajo vuante nga depresioni dhe e ka kryer aktin ekstrem për shkak të kushteve të rënduara psikologjike.
Ajo që e bën më tragjike këtë ngjarje është se babai i saj kishte kryer vetëvrasje në vitin 2019 në të njëjtën mënyrë, duke u vetëhedhur nga një ndërtesë në Lushnjë. Babai i saj gjithashtu vuante nga depresioni.
Mësohet se 22-vjeçarja ishte nga fshati Karbunarë e Madhe.
Fillimisht, në momentet e para të ngjarjes u raportua nga dëshmitarët se viktima ishte 15-vjeçe.
Policia ka nisur hetimet për zbardhjen e plotë te rrethanave dhe shkaqeve.
