Etrit Berisha fenomenal, shqiptari po luan ndeshjen më të bukur të karrierës! Luan mendsh zikaltrit (video)

Torino është duke fituar 1-0 ndaj Interit në “Stadio Olimpico di Torino”, ku deri tani lojtari më i mirë i ndeshjes është Etrit Berisha.

Portieri kuqezi po luan ndeshjen e dytë si titullar këtë sezon në Serie A, pasi portieri serb i Torinos, Milinkovic-Savic është i dëmtuar.

Me paraqitjen që po bën sot, Berisha po i tregon trajnerit Juric që ka gabuar shumë që nuk i ka dhënë minuta më parë këtë sezon.

Të paktën në dy raste të pastra, gardiani kuqezi shmangu golin duke bërë realisht dy super pritjet, gjithë duartrokitjet e publikut për të.

16’ Mrekulli i Berishës! Lautaro Martinez gjuan me kokë pas një goditje dënimi, Berisha grushton në mënyrë instinktive dhe shpëton portën.

30’ Tjetër mrekulli e Berishës. Goditje dënimi e Çalhanoglu direkt në portë, me gardianin shqiptar i cili devijon dhe mban sferën jashtë katërkëndorit.